सुनको मूल्य निरन्तर अकासिँदो

काठमाडौँ– अन्तर्राष्ट्रिय बजारमा सुनको मूल्य वृद्धि भएसँगै त्यसको प्रभाव नेपाली बजारमा पनि परेको छ। सोमबारको तुलनामा मंगलबार सुन प्रतितोला २ हजार ३०० रुपैयाँले महँगो भएको नेपाल सुनचाँदी व्यवसायी महासंघले जनाएको छ। 

सोमबार २ लाख ३३ हजार १०० रुपैयाँमा कारोबार भएको एक तोला सुनको मोल बढेर २ लाख ३५ हजार ४०० रुपैयाँ कायम भएको छ। चाँदीको मूल्य भने स्थिर छ।

सोमबार चाँदी प्रतितोला २ हजार ९६० रुपैयाँमा खरिदबिक्री भएको थियो। गत आइतबार एक तोला सुन २ लाख ३० हजार ६०० रुपैयाँमा किनबेच भएको थियो। त्यति नै परिमाणको चाँदी २ हजार ९३० रुपैयाँ रहेको थियो।  

अन्तर्राष्ट्रिय बजारमा एक औँस सुन तीन हजार ९६५ अमेरिकी डलरमा कारोबार भइरहेको छ।