ताप्लेजुङको सिदिंवामा बोलेरो दुर्घटना, एकको मृत्यु

ताप्लेजुङको सिदिङवा गाउँपालिका–३ आङखोपस्थित सडक खण्डमा बोलेरो गाडी दुर्घटना हुँदा एक जनाको मृत्यु भएको छ भने ६ जना घाइते भएका छन्।

उकालो

मंगलबार, २१ असोज, २०८२

ताप्लेजुङको सिदिंवामा बोलेरो दुर्घटना, एकको मृत्यु

ताप्लेजुङ– ताप्लेजुङको सिदिङवा गाउँपालिका–३ आङखोपस्थित सडक खण्डमा बोलेरो गाडी दुर्घटना हुँदा एक जनाको मृत्यु भएको छ भने ६ जना घाइते भएका छन्।

जिल्ला प्रहरी कार्यालय ताप्लेजुङका अनुसार थर्पुबाट आङखोपतर्फ जाँदै गरेको प्रदेश १–०१–००१ ज ३४७० नम्बरको बोलेरो गाडी मंगलबार साँझ करिब ६ः३० बजे सडकबाट करिब २०० मिटर तल भिरमा खसेर दुर्घटना भएको हो।

दुर्घटनामा परेर सिदिङवा गाउँपालिका–३ आङखोपका ६० वर्षीय लोकबहादुर कुँवरको मृत्यु भएको जिल्ला प्रहरी कार्यालय ताप्लेजुङका सूचना अधिकारी एवं प्रहरी निरीक्षक विवेक बस्नेतले जानकारी दिए।

त्यसैगरी दुर्घटनामा अन्य ६ जना घाइते भएका छन्। घाइते सबै सिदिङ्वा गाउँपालिकावासी हुन्। दुई जना भने गम्भीर घाइते भएका छन्।

प्रहरीका अनुसार लोकबहादुर चौहान र प्रकाश चौहान गम्भीर घाइते भएको बताइएको छ। घाइतेहरूको उद्धार गरी उपचारका लागि लैजाने कार्य भइरहेको छ। दुर्घटनाबारे थप अनुसन्धान जारी छ।

प्रतिक्रिया दिनुहोस !