४५ अंक घट्यो नेप्से, कारोबार रकममा भने वृद्धि

आज १३ वटै उपसमूह घटेका छन्, जसमा सबैभन्दा धेरै वित्त ३.०९ प्रतिशत र होटल–पर्यटन ३.०३ प्रतिशतले घटेका छन्।

उकालो

बुधबार, २२ असोज, २०८२

४५ अंक घट्यो नेप्से, कारोबार रकममा भने वृद्धि

काठमाडौँ– शेयरबजार परिसूचक नेप्से बुधबार ४५.३६ अंकले घट्दै २,५५९.५९ विन्दुमा पुगेको छ। आज सेन्सेटिभ इन्डेक्स ८.१५ अंक, फ्लोट इन्डेक्स ३.४१ अंक र सेन्सेटिभ फ्लोट इन्डेक्स ३.०४ अंकले घटेका छन्।

अघिल्लो कारोबार दिन मंगलबार ५८.५५ अंकले घटेको बजार २,६०४.९६ विन्दुमा बन्द भएको थियो। यसदिन नेप्से घटेपनि कारोबार रकम भने बढेर ५ अर्ब ७६ करोड रुपैयाँ नाघेको छ। अघिल्लो दिन भने ४ अर्ब ६२ करोड रुपैयाँको कारोबार भएको थियो।

मूल्य वृद्धिमा सांग्रिला डेभलपमेन्ट बैंकको डिबेन्चर २०८७ (७.०९ प्रतिशत), एनआईएमबी डिबेन्चर २०९० (६ प्रतिशत) र आत्मनिर्भर लघुवित्त (६ प्रतिशत)ले अगाडि छन्। त्यसैगरी, प्रभु इन्स्योरेन्सको शेयरमूल्य ६.१२ प्रतिशतले घट्दै सर्वाधिक गिरावटमा परेको छ।

कारोबार रकमका आधारमा नेपाल पुनर्बीमा कम्पनी शीर्ष स्थानमा रह्यो। यस कम्पनीको कुल कारोबार २६ करोड १६ लाख रुपैयाँ भएको छ। त्यसपछि युनियन हाइड्रोपावर र सिनर्जी पावर डेभलपमेन्ट क्रमशः दोस्रो र तेस्रो स्थानमा रहेका छन्। १३ वटै उपसमूह घटेका छन्, जसमा सबैभन्दा धेरै वित्त ३.०९ प्रतिशत र होटल–पर्यटन ३.०३ प्रतिशतले घटेका छन्।

प्रतिक्रिया दिनुहोस !