कोशी र गण्डकी हल्का वर्षाको सम्भावना

काठमाडौँ– नेपालमा पश्चिमी, मनसुनी एवं स्थानीय वायुको प्रभाव कमजोर हुँदै गएको छ।  

जल तथा मौसम विज्ञान विभागले लुम्बिनी, गण्डकी, कर्णाली र सुदूरपश्चिममा पश्चिमी तथा बाँकी भूभागमा मनसुनी एवं स्थानीय वायुको प्रभाव रहे पनि त्यो कमजोर रहेको जनाएको छ । 

दिउँसो कोशी र गण्डकी प्रदेशलगायत देशका पहाडी भूभागमा आंशिक बदली रही बाँकी भूभागमा मुख्यतया मौसम सफा रहनेछ। कोशी र गण्डकीका एक–दुई स्थानमा हल्का वर्षाको सम्भावना छ।

विभागका अनुसार राति कोशी र गण्डकीका पहाडी भूभागमा आंशिक बदली रही बाँकी भागमा मुख्यतया मौसम सफा रहनेछ। साथै यी दुवै प्रदेशका पहाडी भूभागका एक–दुई स्थानमा हल्का वर्षाको सम्भावना छ।