एकैदिन तोलामा ८ हजार १०० रुपैयाँले बढ्यो सुन

काठमाडौँ– नेपाली बजारमा सुनको मूल्य निरन्तर बढिरहेको छ। मंगलबार एकैदिन तोलामा ८ हजार १०० रुपैयाँले बढेर सुन साढे २ लाख नजिक पुगेको छ। 

नेपाल सुनचाँदी व्यवसायी महासंघका अनुसार मंगलबार सुनको मूल्य प्रतितोला २ लाख ४८ हजार ५०० रुपैयाँ कायम भएको हो। सोमबार सुन तोलामा २ लाख ४० हजार ४०० रुपैयाँमा कारोबार भएको थियो।

यस्तै आज चाँदीको मूल्य पनि बढेको छ। सोमबार तोलामा ३ हजार २२० रुपैयाँ रहेको चाँदी मंगलबार बढेर तोलामा ३ हजार ३२५ रुपैयाँ पुगेको छ। 

सुन र चाँदी दुवैको मूल्य नेपाली बजारमा हालसम्मकै उच्च हो। अन्तर्राष्ट्रिय बजारमा सुनको मूल्य वृद्धि भएसँगै त्यसको असर नेपाली बजारमा परेको महासंघले जनाएको छ।