चितवनमा दाना उद्योगको पर्खाल भत्किँदा ३ जनाको मृत्यु

पर्खाल भत्किँदा उद्योगमा काम गर्ने पाँच जना घाइते भएका थिए। उनीहरूमध्ये तीन जनाको उपचारका क्रममा मृत्यु भएको हो।

रासस

बुधबार, २९ असोज, २०८२

चितवनमा दाना उद्योगको पर्खाल भत्किँदा ३ जनाको मृत्यु
प्रतिकात्मक तस्वीर

चितवन– पूर्वी चितवनको रत्ननगरमा रहेको किसान दाना उद्योगको पर्खाल भत्किँदा तीन जनाको मृत्यु भएको छ। अन्य दुई जना घाइते भएका छन्। 

मृत्यु हुनेमा खैरहनी नगरपालिका–२ का ४५ वर्षीय सुमरा दराई, गोरखा घर भई हाल रत्ननगर नगरपालिका–१२ बस्ने ४५ वर्षीय रमेश दमाई र सोही स्थानका ४५ वर्षीय कमल गुरुङ छन्। जिल्ला प्रहरी कार्यालय चितवनका डीएसपी रवीन्द्र खनालका अनुसार उनीहरूको चितवन मेडिकल कलेजमा उपचारका क्रममा मृत्यु भएको हो।

 घाइते हुनेमा पर्सा घर भई हाल रत्ननगर नगरपालिका–१२ बस्ने ३९ वर्षीय जीतेन्द्र महतो र ४० वर्षीय अकजप्रसाद थारु छन्। घाइते दुवैको सोही अस्पतालमा उपचार भइरहेको छ। 

रत्ननगर नगरपालिका–१२ शान्तिकुञ्ज टोलमा रहेको दाना उद्योगको ४ नम्बर पर्खाल बुधबार बिहान भत्किएको थियो। 

प्रतिक्रिया दिनुहोस !