तोलामा साढे २ लाख रुपैयाँ नाघ्यो सुन

काठमाडौँ– नेपाली बजारमा सुनको मूल्यले बिहीबार नयाँ रेकर्ड बनाएको छ। 

नेपाल सुनचाँदी व्यवसायी महासंघका अनुसार छापावाल सुन तोलामा २ हजार रुपैयाँले बढेर २ लाख ५० हजार ९०० रुपैयाँ कायम भएको छ। 

बुधवार छापावाल सुन तोलामा २ लाख ४८ हजार ९०० रुपैयाँमा कारोबार भएको थियो। असोज १ गते सुनको मूल्य तोलामा २ लाख १६ हजार १०० रुपैयाँ थियो।

यस्तै, चाँदीको मूल्य पनि बढेको छ। बुधबार ३ हजार २४० रुपैयाँमा कारोबार भएको चाँदी ३५ रुपैयाँले बढेर ३ हजार २७५ रुपैयाँ पुगेको छ।