सगरमाथाको पहिलो सफल आरोहण दलका सदस्य कान्छा शेर्पाको निधन

काठमाडौँ– सगरमाथाको पहिलो सफल आरोहण दलका सदस्य कान्छा शेर्पाको ९२ वर्षको उमेरमा निधन भएको छ।

सन् १९५३ को सगरमाथा आरोहणमा एडमन्ड हिलारी र तेन्जिङ नोर्गे शेर्पाले सगरमाथा शिखर आरोहण गरेका थिए। उक्त आरोहण दलमा भरियाका रूपमा संलग्न शेर्पा आठ हजार मिटर माथिसम्म पुगेका थिए। 

उनले दुई दशकसम्म पर्वतारोहण क्षेत्रमा काम गरेका थिए। शेर्पा हालसम्म सो आरोहण दलको एक मात्र जीवित सदस्यका रूपमा थिए।

उनको बिहीबार काठमाडौँ कपनस्थित निवासमा निधन भएको उनको पारिवारिक स्रोतले जनाएको छ।