तोलामा ७ हजार १०० रुपैयाँले बढ्यो सुन

काठमाडौँ– नेपाली बजारमा सुनको मूल्य निरन्तर उकालो लागिरहेको छ। 

शुक्रबार एकैदिन तोलामा ७ हजार १०० रुपैयाँले बढेर २ लाख ५८ हजार रुपैयाँ पुगेको नेपाल सुनचाँदी व्यवसायी महासंघले जनाएको छ।

बिहीबार सुन प्रतितोला २ लाख ५० हजार ९०० रुपैयाँमा कारोबार भएको थियो।

बुधबार २ लाख ४८ हजार ९०० रुपैयाँमा कारोबार भएको थियो। असोज १ गते सुनको मूल्य तोलामा २ लाख १६ हजार १०० रुपैयाँ थियो।

त्यस्तै चाँदीको मूल्य बढेको छ। महासंघका अनुसार चाँदी तोलामा ७५ रुपैयाँले बढेर ३ हजार ३५० रुपैयाँ कायम भएको छ। 

बिहीबार चाँदीको मूल्य ३ हजार २७५ तथा बुधबार ३ हजार २४० रुपैयाँ रहेको थियो।