कपिलवस्तुमा बस दुर्घटना हुँदा १ जनाको मृत्यु, ५ घाइते

काठमाडौँ– कपिलवस्तुको शिवराज नगरपालिका–१, बनकसबासस्थित पूर्व–पश्चिम राजमार्गमा बस दुर्घटना हुँदा एक जनाको मृत्यु भएको छ। पाँच जना घाइते भएका छन्।

काठमाडौँबाट धनगढीतर्फ जाँदै गरेको बा.प्र.०१–००६ ख ८५०६ नं.को यात्रुवाहक बस बुधबार राति दुर्घटना भएको प्रहरीले जनाएको छ। 

प्रहरीका अहनुसार, बस एक पैदलयात्रीलाई ठक्कर दिएर सडकमा पल्टिएको थियो। बसको ठक्करबाट पैदलयात्रीको मृत्यु भएको छ। उनको नाम र ठेगाना खुल्न बाँकी रहेको वडा प्रहरी कार्यालय चन्द्रौटाले जनाएको छ। 

अन्य घाइतेको चन्द्रौटास्थित सञ्जीवनी सामुदायिक अस्पतालमा उपचार भइरहेको छ।