मधुमेह र समयअघि नै जन्मिएका नवजात शिशुको स्वास्थ्य सचेतनामा जोड

आँखा स्वास्थ्य प्रवर्धन र रोकथाम तथा अन्धोपनाबाट धेरैभन्दा धेरै जनसंख्यामा जनचेतना फैलाउने उद्देश्यले दिवस मनाउन लागिएको प्रतिष्ठानले जनाएको छ।

उकालो

शनिबार, २२ कात्तिक, २०८२

मधुमेह र समयअघि नै जन्मिएका नवजात शिशुको स्वास्थ्य सचेतनामा जोड

काठमाडौँ– तिलगंगा आँखा प्रतिष्ठानले विश्व मधुमेह दिवस र समयअघि नै जन्मिएका नवजात शिशुसम्बन्धी दिवसको अवसरमा विविध कार्यक्रम आयोजना गर्ने भएको छ। 

आँखा स्वास्थ्य प्रवर्धन र रोकथाम तथा अन्धोपनाबाट धेरैभन्दा धेरै जनसंख्यामा जनचेतना फैलाउने उद्देश्यले दिवस मनाउन लागिएको प्रतिष्ठानले जनाएको छ। 

प्रत्येक वर्ष नोभेम्बर १४ मा मनाइने विश्व मधुमेह दिवसले मधुमेह र यसका गम्भीर जटिलताप्रति विश्व समुदायको ध्यानाकर्षण गराउँदै आएको छ। अन्तर्राष्ट्रिय डायबेटिज संघका अनुसार हरेक नौ जनामध्ये एकजनामा मधुमेह देखिने गरेको र सोका कारण आँखाको पर्दामा समस्या हुनसक्ने सम्भावना रहन्छ। 

दिवसका अवसरमा हुने साताव्यापी कार्यक्रमअन्तर्गत शनिबार पहिलो दिन सचेतना र्‍याली हुँदैछ। र्‍यालीमा लाइन्स इन्टरनेसनल डिस्ट्रिक्ट ३२५ को एलसीके भिजन सर्कल र अन्य लाइन्स सदस्यको पनि सहभागिता रहनेछ। 

साथै, हप्ताभर मधुमेह सम्बन्धी निःशुल्क आँखा परीक्षण शैक्षिक कार्यक्रम र बिरामी परिवार चिकित्सक अन्तरक्रिया सञ्चालन गरिनेछ।

प्रतिक्रिया दिनुहोस !