विश्व निमोनिया दिवस मनाइँदै, रोकथाम र सशक्त स्वास्थ्य प्रणालीमा जोड

काठमाडौँ– निमोनिया रोकथाम एवं सशक्त स्वास्थ्य प्रणालीमा जोड दिँदै विभिन्न मुलुकमा आज ‘विश्व निमोनिया दिवस’ मनाइँदै छ।

विश्व स्वास्थ्य संगठनको आह्वानमा मनाइने दिवसका अवसरमा नेपाल सरकारले पनि रोकथाममुखी स्वास्थ्य सेवा र सबल स्वास्थ्य प्रणाली निर्माणमा जोड दिएको छ।

‘बालबालिका बचाऔँ सशक्त स्वास्थ्य प्रणाली, रोकथाम र उपचारमा लगानी गरौँ’ नाराका साथ देशका विभिन्न अस्पताल एवं स्वास्थ्य संस्थामा चेतनामूलक कार्यक्रम आयोजना हुने स्वास्थ्य मन्त्रालयले जनाएको छ। निमोनिया  बालबालिकामा हुने मृत्युका प्रमुख कारणमध्ये एक हो। 

सरकारले निमोनिया नियन्त्रणका लागि प्राथमिक स्वास्थ्य सेवामा लगानी बढाउन, स्वास्थ्यकर्मीको सीप अभिवृद्धि गर्न र नागरिकलाई रोगको जोखिम र रोकथामबारे सचेत गराउनुपर्नेमा जोड दिएको छ।