च्याम्पियन्स लिग: बार्सिलोनामाथि चेल्सीको जित

काठमाडौँ– यूईइएफए च्याम्पियन्स लिगमा चेल्सीले बार्सिलोनालाई पराजित गरेको छ। 

मंगलबार राति स्टामफोर्ड ब्रिजमा भएको खेलमा घरेलु टोली चेल्सीले बार्सिलोनालाई ३-० ले हराएको हो। 

चेल्सीको जितमा इस्टेभाओ र लियाम डेलेपले गोल गरेका थिए। एक गोल बार्सिलोनाका जुलेस कुन्डेले आत्मघाती गरेका थिए। रोनाल्ड अराउजोले खेलको ४४औँ मिनेटमा रातो कार्ड पाएपछि बार्सिलोना १० खेलाडीमा सीमित भएको थियो।

जितपछि चेल्सीको ५ खेलमा १० अंक भएको छ र पाँचौँ स्थानमा रहेको छ। समान खेलबाट ७ अंकसहित बार्सिलोना १५औँ स्थानमा छ।