एनपीएलमा कर्णालीलाई काठमाडौँको चुनौती

सोमपाल कामीको कप्तानीमा रहेको कर्णालीले चारमध्ये एक खेल मात्र जितेको छ। कर्णाली दुई अंकका साथ छैटौँ स्थानमा छ।

काठमाडौँ– त्रिभुवन विश्वविद्यालयको क्रिकेट रंगशालामा जारी दोस्रो संस्करणको नेपाल प्रिमियर लिग (एनपीएल) मा आइतबार कर्णाली याक्स र काठमाडौँ गोर्खाज भिड्दै छन्। खेल अपराह्न साढे ३ बजे शुरू हुनेछ।

सोमपाल कामीको कप्तानीमा रहेको कर्णालीले चारमध्ये एक खेल मात्र जितेको छ। दुई अंकका साथ कर्णाली छैटौँ स्थानमा छ। प्लेअफको यात्रामा रहिरहन उसलाई आज जित्नुपर्ने बाध्यता छ। 

करण केसीको नेतृत्वमा रहेको काठमाडौँ पाँच खेलमा तीन खेल जित्दै तेस्रो स्थानमा छ। प्लेअफमा पुग्न काठमाडौँका लागि पनि यो खेल महत्त्वपूर्ण छ।