सिन्धुलीमा सवारी दुर्घटना, १ जनाको मृत्यु

सिन्धुली– मदन भण्डारी राजमार्गअन्तर्गत दुधौली नगरपालिका–२ गागनमा यात्रुवाहक बस र मोटरसाइकल ठोक्किँदा एक जनाको मृत्यु भएको छ। अन्य एक जना गम्भीर घाइते भएका छन्।

जिल्ला प्रहरी कार्यालयका डीएसपी सूर्यप्रकाश सुवेदीका अनुसार पोखराबाट कटारीतर्फ गइरहेको बस र डकाहाबाट झुगातर्फ आइरहेको मोटरसाइकल ठोक्किँदा मोटरसाइकल चालक दुधौली नगरपालिका–३ का २५ वर्षीय महेश कुमरको मृत्यु भएको हो। 

दुर्घटनामा गम्भीर घाइते भएका कमलामाई नगरपालिका–१४ चन्दनपुरका २५ वर्षका दीपेश कुमरको दुधौली नगर अस्पतालमा उपचार भइरहेको छ। दुर्घटनापछि बसका चालक उदयपुरको कटारी नगरपालिका–३ का श्यामकुमार भट्टराई फरार छन्।