बागमतीका मुख्यमन्त्री जम्कट्टेलसहित २ मन्त्रीले लिए शपथ

हेटौँडा– बागमती प्रदेशका मुख्यमन्त्री शालिकराम जम्कट्टेलसहित दुई जना मन्त्रीले पद तथा गोपनीयताको शपथ लिएका छन्।

प्रदेश प्रमुख यादवचन्द्र शर्माले मुख्यमन्त्री जम्कट्टेललाई मंगलबार बिहान पद तथा गोपनीयताको शपथ गराएका हुन्। यस्तै एमालेबाट जगन्नाथ थपलिया र राप्रपाबाट उद्धव थापालाई पनि प्रदेश प्रमुख शर्माले शपथ गराए।

थपलियालाई आर्थिक मामिला तथा योजना मन्त्रालयको जिम्मेवारी दिइएको छ। थापालाई मन्त्रालयको जिम्मेवारी दिइएको छैन।