नेपाल–चीन सीमा केन्द्रविन्दु भएर ५.९ म्याग्निच्युटको भूकम्प

काठमाडौँ- सिन्धुपाल्चोक जिल्लाको उत्तरी क्षेत्र नेपाल–चीन सीमाना केन्द्रविन्दु भएर भूकम्प गएको छ। 

राष्ट्रिय भूकम्प मापन तथा अनुसन्धान केन्द्रका अनुसार बुधबार दिउँसो ३ बजेर ७ मिनेट जाँदा ५.९ म्याग्निच्युटको भूकम्प गएको हो।

केन्द्रका भूकम्पविद् डा. मुकुन्द भट्टराईले भूकम्पको केन्द्रविन्दु नेपाल–चीन सिमाना रहेको बताए। भूकम्पको धक्का नेपाल, चीन र भारतमा महसुस भएको थियो।

नेपालका सिन्धुपाल्चोक, दोलखा, नुवाकोट, रसुवा, राजधानी काठमाडौँ र धादिङलगायतका जिल्लामा भूकम्पको धक्का महसुस गरिए केन्द्रले जनाएको छ।