रवि लामिछाने नागरिकता लिन काठमाडौँ जिल्ला प्रशासनमा

काठमाडौँ– निवर्तमान गृहमन्त्री रवि लामिछाने नेपाली नागरिकता लिन जिल्ला प्रशासन कार्यालय काठमाडौँमा पुगेका छन्।

बिहान ११: ४५ मा आफ्ना समर्थकसहित लामिछाने प्रशासन कार्यालय पुगेका हुन्। अमेरिकी नागरिकता त्यागेपछि नेपाली नागरिकता नलिएको ठहर गर्दै सर्वोच्च अदालतले शुक्रबार लामिछानेको सांसद पद खारेज गरेको थियो।

उनले गृहमन्त्री र राष्ट्रिय स्वतन्त्र पार्टी (रास्वपा) को सभापति पद पनि गुमाएका थिए। त्यसैले लामिछानेले प्रशासन कार्यालय गएर नेपाली नागरिकताको पुनः प्राप्तिको प्रक्रिया थालेका हुन्।