प्रतितोला ३०० रुपैयाँले बढ्यो सुनको मूल्य

काठमाडौँ– नेपाली बजारमा बिहीबार सुनको मूल्य प्रतितोला ३०० रुपैयाँले बढेको छ।

नेपाल सुनचाँदी व्यवसायी महासंघका अनुसार छापावाल सुन प्रतितोला एक लाख दुई हजार ६०० रुपैयाँमा कारोबार भइरहेको छ। बुधबार एक लाख दुई हजार ३०० रुपैयाँमा कारोबार भएको थियो।

यस्तै तेजाबी सुनको मूल्य प्रतितोला एक लाख दुई हजार १०० रुपैयाँ तोकिएको छ। यता, चाँदीको मूल्य भने आज स्थिर छ। चाँदी तोलाको एक हजार २७० रुपैयाँमा कारोबार भइरहेको महासंघले जनाएको छ।

महासंघले सुनचाँदीको अन्तर्राष्ट्रिय बजार मूल्यका आधारमा नेपालमा मूल्य तोक्दै आएको छ।