चिभा लाछि:स्थित चैत्यबाट चोरिए दुई मूर्ति

काठमाडौँ- ललितपुर गोदावरी नगरपालिका-११, चापागाउँस्थित चिभा लाछि:मा रहेको चैत्यबाट २ वटा मूर्ति चोरी भएका छन्।

स्थानीय खेम देशारका अनुसार गएराति मूर्तिहरू चोरी भएका हुन्। 

त्यही चैत्यको पूर्वतर्फको बुद्धको मूर्ति केही दिनअघि चोरी भएको थियो। यसपटक भने दक्षिण र पश्चिमतर्फको मूर्ति चोरी भएको देशारले बताए।

शिलालेखअनुसार चैत्य नेपाल संवत् ८२५ मा सुदर्शनबाबु भारोले निर्माण गरेका थिए।

लिपिविज्ञ श्यामसुन्दर राजवंशीका अनुसार, चैत्य स्थापनाकै समयमा मूर्ति पनि स्थापना हुने कारण चैत्यजस्तै चोरी भएका मूर्ति ३०० वर्ष पुराना हुन्।