साबिक विजेता गुजरातसँग पन्जाबको हार

काठमाडौँ– इन्डियन प्रिमियर लिग (आईपीएल)मा साबिक विजेता गुजरात जायन्ट्सले पन्जाब किंग्सलाई ६ विकेटले पराजित गरेको छ।

गएराति बिन्द्रा स्टेडियममा घरेलु टोली पन्जाबले दिएको १५४ रनको विजयी लक्ष्य गुजरातले १९।५ ओभरमा ४ विकेट गुमाउँदै पूरा गर्‍यो।

 गुजरातका ओपनर शुभमन गिलले ४९ बलमा ७ चौका र १ छक्कासहित ६७ रन बनाए। ऋद्धिमान शाह १९ बलमा ५ चौकासहित ३० रनमा आउट भए। शाई सुदर्शनले २० बलमा २ चौकासहित १९ रन बनाए।

पन्जाबका साम करन, अर्शदीपसिंह, हरप्रीत ब्रार र कागिसो रबाडाले समान १/१ विकेट लिए।

त्यसअघि टस हारेर पहिले ब्याटिङको गरेको पन्जाबले २० ओभरमा ८ विकेट गुमाउँदै १५३ रन बनाएको थियो। पन्जाबका म्याथ्यु शर्टले २४ बलमा ६ चौका र १ छक्कासहित ३६ रन बनाए। जितेश शर्माले २५ रन बनाए

गुजरातका मोहित शर्माले २ तथा मोहम्मद शामी, जोशुवा लिटिल, अल्जारी जोशेफ र राशिद खानले समान १/१ विकेट लिए।

यसजितसँगै गुजरात ६ अंकसहित तेस्रो स्थानमा छ। पन्जाब ४ अंकका साथ छैटौँ स्थानमा छ।