कर्मचारीले ३ प्रतिशतसम्म ‘साइनिङ मनि’ लिन्छन् : देवेन्द्र दाहाल

काठमाडौँ– राष्ट्रियसभा सदस्य देवेन्द्र दाहालले भ्रष्टाचार नेता, ठेकेदार र कर्मचारीको मिलेमतोमा हुने गरेको बताएका छन्।

मंगलबार राष्ट्रियसभा बैठकमा बोल्दै उनले भ्रष्टाचार न्यूनीकरण गर्न सरकारका प्रतिबद्धता माग गरे। कर्मचारीले साइनिङ मनिका रूपमा ३ प्रतिशतसम्म लिने गरेको उल्लेख गर्दै त्यस्ता काम रोक्न सरकारले कस्ता कदम चालिरहेको छ? भन्दै प्रश्न गरे।

“ठाडै ढंगले सचिवबाट हामीले रिपोर्टिङका क्रममा सुन्यौँ, कर्मचारीले साइनिङ मनि लिने कुरा, २/३ प्रतिशत कति हुन्छ। त्यो गोजीमा हाल्ने,” उनले भने, “ठेकेदारले मोबिलाइजेशन रकम लिने, अनि अर्को काममा लगाउने। वर्षौंदेखि यो क्रम चलिरहेको छ।"

यस्ता कार्यमा कर्मचारी, ठेकेदार र नेता सबैको मिलेमतो हुने भएकाले तलबाट भ्रष्टाचारको पुलिन्दा थपिँदै गइरहेको राष्ट्रियसभा सदस्य दाहालको दाबी छ।