राष्ट्रिय स्वतन्त्र पार्टीले बिहीबार घोषणापत्र सार्वजनिक गर्दै

काठमाडौँ- राष्ट्रिय स्वतन्त्र पार्टीले बिहीबार (आज) चुनावी घोषणापत्र सार्वजनिक गर्ने भएको छ।

मंसिर ४ गते हुने प्रतिनिधिसभा निर्वाचनका लागि लामिछानेको पार्टीले अहिले बिहान ११ बजे घोषणापत्र सार्वजनिक गर्ने भएको हो। बाचापत्र नाम दिइएको घोषणापत्र काठमाडौँ कमलादीस्थित प्रज्ञा प्रतिष्ठानमा एक कार्यक्रमका बीच सार्वजनिक गरिन लागिएको रास्वपाले जनाएको छ।

राष्ट्रिय स्वतन्त्र पार्टी केही महिनाअघि मात्र दर्ता भई आउँदो निर्वाचनमा सहभागी हुँदैछ।