यु–१७ महिला एसियन कप : नेपाल रहेको समूहमा जोर्डन र इरान

काठमाडौं– एएफसी यु–१७ महिला एसियन कप छनोट चरणमा नेपाल समूह ‘एच’मा परेको छ।

बिहीबार एएफसीले सार्वजनिक गरेको ‘ड्र’ अनुसार नेपाल समूह ‘एच’ मा परेको हो। नेपाल रहेको समूहमा जोर्डन र इरान रहेको छ।

यस समूहको छनोट खेल अप्रिल २२ देखि ३० सम्म जोर्डनमा हुनेछ। एएफसीका अनुसार छनोटमा सहभागी ८ टोलीका समूह विजेताले छनोटको दोस्रो चरणमा स्थान बनाउने छन्।

दोस्रो चरण सेप्टेम्बर १६ देखि २४ सम्म हुनेछ। जसबाट उत्कृष्ट ४ टोलीले इन्डोनेसियामा हुने यु–१७ महिला एसियन कप खेल्नेछ।

इन्डोनेसियामा हुने यु–१७ एसियन कप २०२४ को अप्रिल ७ देखि २० सम्म हुनेछ।