प्रतितोला १४ सय रुपैयाँले बढ्यो सुनको मूल्य

काठमाडौँ– एकै दिन सुनको मूल्य प्रतितोला १४ सय रुपैयाँले बढेको छ।

नेपाल सुनचाँदी व्यवसायी महासंघका अनुसार आइतबार छापावाल सुन प्रतितोला ९४ हजार ५०० र तेजावी सुन ९४ हजार रुपैयाँमा कारोबार भइरहेको छ।

शुक्रबार छापावाल सुन प्रतितोला ९३ हजार १०० र तेजवी सुन प्रतितोला ९२ हजार ६०० थियो। यस्तै आइतबार चाँदीको मूल्य पनि बढेको छ।

अघिल्लो दिनको तुलनामा प्रतितोला ५० रुपैयाँले बढेर १२ सय ७५ रुपैयाँमा कारोबार भइरहेको महासंघले जनाएको छ।