विश्वकप खेल्ने ब्राजिलको टोली घोषणा

काठमाडौँ– दक्षिण अमेरिकी राष्ट्र ब्राजिलले फिफा विश्वकप खेल्ने टोलीको घोषणा गरेको छ।

मंगलबार प्रशिक्षक टिटेले २६ सदस्यीय अन्तिम टोली सार्वजनिक गरेका हुन्। टोलीमा अनुभवी र युवा खेलाडीको सम्मिश्रण छ। 

टिटेले गोलरक्षकमा एडरसन, एलिसन र वेभर्टनलाई टोलीमा समेटेका छन्। ब्राजिलको रक्षापंक्ति थियागो सिल्भा र ड्यानी आल्भेस मार्किन्हस, ड्यानीलो, एडर मिलिसाओ, एलेक्स टेलेस, एलेक्स सान्ड्रो र ब्रेमरले सम्हाल्ने छन्। 

मिडफिल्डमा क्यासेमिरो र फाबिन्होसँगै लुकास पाक्वेटा, फ्रेड, ब्रीमर र एभर्टन रिबिएरो छन्। आक्रमणमा ब्राजिलसँग धेरै विकल्प रहेको छ। नेयमार, रिचारलीसन, भिनीसियस जुनिअर, एन्टोनि, राफिन्हा, रोड्रीगो, पेड्रो, ग्याब्रिएल जेसस र ग्याब्रिएल मार्टिनेली टोलीमा परेका छन्।

रोबर्टो फिर्मिनोले भने टोलीमा स्थान बनाउन सकेनन्। ब्राजिल रहेको समूह जी मा सर्बिया, स्विटजरल्यान्ड र क्यामरुन छन्। ब्राजिलले पहिलो खेल मङ्सिर ८ गते राती १२ः४५ बजे सर्बियासँग खेल्नेछ।