रकम भुक्तानी माग गर्दै बालुवाटारमा निर्माण व्यवसायीको प्रदर्शन

काठमाडौँ- सरकारले असार मसान्तमा दिसक्नुपर्ने भुक्तानी नदिएको भन्दै निर्माण व्यवसायीले प्रधानमन्त्री निवास बालुवारमा सोमबार प्रदर्शन गरेका छन्।

निर्माण व्यवसायी महासंघको अगुवाइमा प्रदर्शन भएको हो। सरकारले ठूलो रकम भुक्तानी रोक्दा मजदुरलाई दिन नसकेको र अन्य व्यवहारिक समस्या परेको भन्दै उनीहरूले विरोध जनाएका छन्।

निर्माण व्यवसायीहरू सेफ्टी हेल्मेटसहित बालुवाटारमा एक घण्टा धर्ना दिएका थिए। उनीहरू नारा लगाउँदै बालुवाटार छिर्ने सडकमा बसेका थिए।

यसअघि,निर्माण व्यवसायी महासंघको अगुवाइमा उनीहरू सार्वजनिक खरिद अनुगमन कार्यालय ताहचलमा धर्ना बसेका थिए। सरकारले आयोजनामा म्याद थपको आदेश र भुक्तानी लगायतका विषयलाई लिएर निर्माण व्यवसायीहरू आन्दोलनमा छन्।