गठबन्धनका शीर्ष नेता बैतडी आउँदै

बैतडी– सत्ता गठबन्धनका शीर्ष नेता बुधबार बैतडी आउँदै छन्। 

प्रधानमन्त्री एवं कांग्रेस सभापति शेरबहादुर देउवा, माओवादी अध्यक्ष पुष्पकमल दाहाल प्रचण्ड र एकीकृत समाजवादीका अध्यक्ष माधवकुमार नेपाल चुनावी सभालाई सम्बोधन गर्न आउन लागेका हुन्। उनीहरूले दिउँसाे पाटनमा आयाेजित गठबन्धनकाे सभालाई सम्बाेधन गर्नेछन्। 

बैतडीमा कांग्रेस, माओवादी र एकीकृत समाजवादी गठबन्धन गरेर चुनावी मैदानमा छन्। गठबन्धनबाट प्रतिनिधिसभामा माओवादीका नरेन्द्रबहादुर कुँवर चुनावी मैदानमा छन्। प्रदेश सभा (क) मा कांग्रेसका वीररबहादुर बिष्ट र (ख)मा कांग्रेसकै शिवराज भट्ट उम्मेदवार छन्।

बैतडीको कार्यक्रमपछि बुधबार नै नेताहरूले दार्चुलाको गोकुलेश्वरमा आयोजना हुने सभालाई पनि सम्बोधन गर्नेछन्।