रुसी वैज्ञानिकहरूले पृथ्वीको सबैभन्दा चिसो ठाउँमा उब्जाए तरबुजा

रुसी अनुसन्धानकर्ताहरूले पृथ्वीको सबैभन्दा चिसो ठाउँ अन्टार्कटिकामा तरबुजा फलाउन सफल भएका छन्। उनीहरूले अन्टार्कटिका स्थापना गरिएको भोस्टोक स्टेसनमा हाइड्रोपोनिक प्रविधिमार्फत आठ वटा तरबुजा उब्जाएका हुन्।

रुसी आर्कटिक र अन्टार्कटिक अनुसन्धान संस्थान (एआरआई) अनुसार यी पाकेका तरबुजाको रातो र पहेँलो गुदी हुन्छ। तरबुजाको प्रत्येकको तौल लगभग १ किलोग्राम रहेको वैज्ञानिकहरूले बताएका छन्। एआरआईले भोस्टोक स्टेसनको प्रयोगशालाले निकट भविष्यमा अन्य खानेकुराहरू उब्जाउने अपेक्षा राखेको छ। 

वैज्ञानिकहरूले पनि ब्ल्याकबेरी, स्ट्रबेरी र ब्लुबेरी पृथ्वीको सबैभन्दा चिसो ठाउँमा उब्जाउने प्रयास गर्ने बताएका छन्। रिपोर्टका अनुसार, वैज्ञानिकहरूले भोस्टोक स्टेसनको प्रयोगशालामा फेब्रुअरी २०२० देखि तरकारी रोप्दै आएका छन् र ८० भन्दा बढी प्रकारका तरकारीहरू उब्जाइसकेको पनि बताएका छन्।