शैक्षिक प्रमाणपत्र नक्कली रहेको अभियोगमा सिटिजन्स बैंकका ६ कर्मचारी पक्राउ

काठमाडौँ– शैक्षिक प्रमाणपत्र किर्ते गरेको अभियोगमा प्रहरीले सिटिजन्स बैंकका छ जना कर्मचारीलाई पक्राउ गरेको छ। 

पक्राउ पर्नेमा बैंकको रुपन्देहीस्थित बुटवल शाखाका मनीष मास्के र खिमानन्द गौतम, मणिग्राम शाखाका गोमा ज्ञवाली, कालिकानगर शाखाका कल्पना खत्री र प्रतीक्षा रेग्मी, मुद्दा शाखाका दीपक विष्ट रहेको प्रहरी परिसर काठमाडौँका प्रमुख एसएसपी दानबहादुर कार्कीले जानकारी दिए। 

उनका अनुसार छ जनामध्ये दीपक विष्टलाई काठमाडौँ र अन्यलाई बुटवलबाट पक्राउ गरिएको हो। 

उनीहरूले त्रिभुवन विश्वविद्यालयले दिने शैक्षिक प्रमाणपत्रको समकक्षता पत्र किर्ते गरेर जागिर खाएको खुलेको प्रहरीले जनाएको छ।