कोशी र बागमतीमा चट्याङसहित भारी वर्षाको सम्भावना

काठमाडौँ– मनसुनको न्यूनचापीय रेखा सरदर स्थानभन्दा उत्तरतिर (नेपाल नजिक) रहेकाले देशभर आंशिकदेखि सामान्य बदली भएको छ। 

गण्डकी, कोशी, बागमती र कर्णालीका थोरै र बाँकी प्रदेशका एक–दुई स्थानमा हल्कादेखि मध्यम वर्षा भइरहेको छ।

मौसम पूर्वानुमान महाशाखाका अनुसार दिउँसो देशभर आंशिकदेखि सामान्य बदली रहनेछ। कोशी र बागमतीका एक–दुई स्थानमा मेघगर्जन र चट्याङसहित भारी वर्षा हुनेछ। 

राति कोशी, मधेश र गण्डकीका केही स्थानमा मेघगर्जन र चट्याङसहित हल्कादेखि मध्यम वर्षा हुनेछ।

कोशी र गण्डकीका थोरै स्थानमा भने भारी वर्षा हुने महाशाखाले जनाएको छ।