कास्कीमा मोटरसाइकल दुर्घटना हुँदा २ जनाको मृत्यु

कास्की– रुपा गाउँपालिकामा मोटरसाइकल दुर्घटनामा परी दुई युवाको मृत्यु भएको छ। 

पोखराबाट रुपातालतर्फ जाँदै गरेको मोटरसाइकल शनिबार राति दुर्घटना हुँदा लमजुङ दूधपोखरी गाउँपालिका–६ का २९ वर्षीय कृष्ण गुरुङ र सोही ठाउँका २४ वर्षीय अशोक गुरुङको निधन भएको जिल्ला प्रहरी कार्यालय कास्कीले जनाएको छ।

मोटरसाइकल रुपा गाउँपालिका–६ निगालझाँप्रास्थित भित्रीसडकबाट अन्दाजी ८०–९० मिटर तल सोही सडकको घुम्तीको तल्लो बाटोमा खसेको प्रहरीले जनाएको छ। 

दुर्घटनालगत्तै घाइतेलाई इलाका प्रहरी कार्यालय शिशुवाबाट गएको प्रहरी टोलीले उपचारका लागि पश्चिमाञ्चल क्षेत्रीय अस्पताल लगेको थियो। 

चिकित्सकले जाँचका क्रममा दुवै जनालाई मृत घोषणा गरेका थिए।