सुदूरपश्चिम प्रदेशमा भारी वर्षाको सम्भावना

काठमाडौँ– मनसुनको न्यूनचापीय रेखा सरदर स्थानभन्दा उत्तरमा अवस्थित छ।

नेपालमा भारतको केन्द्रीय मध्य प्रदेश र आसपास रहेको न्यूनचापीय क्षेत्रको समेत प्रभाव छ। देशभर अधिकांश स्थानमा हल्कादेखि मध्यम वर्षा भइरहेको मौसम पूर्वानुमान महाशाखाले जनाएको छ।

दिउँसो देशभर सामान्य बदली रहनेछ। सुदूरपश्चिमसहित देशका पहाडी भूभागका केही र बाँकी प्रदेशका थोरै स्थानमा हल्कादेखि मध्यम वर्षा हुनेछ। सुदूरपश्चिमको एक–दुई स्थानमा भने मेघगर्जन र चट्याङसहित भारी वर्षा हुने महाशाखाले जनाएको छ। 

राति देशभर सामान्यदेखि पूर्ण बदली रहनेछ। कोशी, मधेश, बागमती, गण्डकी र लुम्बिनीका केही र बाँकी प्रदेशका थोरै स्थानमा हल्कादेखि मध्यम वर्षा हुनेछ। 

यस्तै, कोशी, बागमती, गण्डकी र लुम्बिनीका एक–दुई स्थानमा चट्याङसहित भारी वर्षा हुने महाशाखाले जनाएको छ।