कस्तो रहनेछ शुक्रबारको मौसम?

काठमाडौँ– मनसुनको न्यूनचापीय रेखा सरदर स्थानभन्दा उत्तरमा अवस्थित छ। 

भारत उत्तर प्रदेशमा अवस्थित न्यूनचापीय क्षेत्रको समेत प्रभाव रहेकाले देशभर सामान्यदेखि पूर्ण बदली रहेको छ। कोशी, मधेश, बागमती, गण्डकी, लुम्बिनी र कर्णालीका थोरै स्थानमा हल्कादेखि मध्यम वर्षा भइरहेको मौसम पूर्वानुमान महाशाखाले जनाएको छ।

दिउँसो देशभर सामान्यदेखि पूर्ण बदली रहनेछ। कोशी, मधेश, बागमती, गण्डकी र लुम्बिनीका केही र बाँकी प्रदेशका थोरै स्थानमा हल्कादेखि मध्यम वर्षा हुनेछ। 

कोशी, बागमती, गण्डकी, मधेश र लुम्बिनीका केही स्थानमा मेघगर्जन र चट्याङसहित भारी वर्षा हुने महाशाखाले जनाएको छ।

राति कोशी, मधेश, बागमती र गण्डकीका केही  स्थानमा हल्कादेखि मध्यम वर्षा हुनेछ। कोशी, मधेश,  बागमती र गण्डकीका एक–दुई स्थानमा भने चट्याङसहित भारी वर्षा हुने महाशाखाले जनाएको छ।