झापामा मोटरसाइकल दुर्घटना हुँदा १ जनाको मृत्यु, ३ घाइते

काठमाडौँ– झापाको कन्काई पुलमा दुई वटा मोटरसाइकल एकापसका ठोक्किँदा एक जनाको मृत्यु भएको छ। 

बुधबार राति भएको दुर्घटनामा बाह्रदशी गाउँपालिका– ५ की जेसिका सिग्देलको मृत्यु भएको जिल्ला प्रहरी कार्यालय झापाले जनाएको छ। 

घाइते हुनेमा भद्रपुर–९ का रुद्रप्रसाद न्यौपाने, दमक–१ का सुरेश राई र इलाम चुलाचुली– ४ का निश्चल चेम्जोङ छन्।

उनीहरूको बिर्तामोडस्थित बीएन्डसी अस्पतालमा उपचार भइरहेको छ।