कोशी सरकारविरुद्धको रिट न्यायाधीशद्वय खतिवडा र माथेमाको इजलासमा

काठमाडौँ– कोशी प्रदेश सरकारविरुद्धको रिटमा शुक्रबार सुनुवाइ हुँदैछ।

उक्त रिट सुनुवाइका लागि सर्वोच्च अदालतका न्यायाधीशद्वय ईश्वरप्रसाद खतिवडा र शुष्मलता माथेमाको इजलासमा परेको छ। 

मुख्यमन्त्री उद्धव थापालाई बर्खास्त गर्न माग गर्दै एमाले संसदीय दलका नेता हिक्मतकुमार कार्कीले भदौ ६ मा रिट दिएका थिए।

रिटमा प्रदेश प्रमुख परशुराम खापुङ, मुख्यमन्त्री थापा र प्रदेशसभा सचिवालयलाई विपक्षी बनाइएको छ। 

थापा नेतृत्वको सरकारलाई दीर्घकालीन असर गर्ने निर्णय नगर्न भन्दै सर्वोच्चले यसअघि नै अन्तरिम आदेश दिइसकेको छ। रिटलाई अग्राधिकार प्रदान गरिएको छ।