देशका अधिकांश भागमा आंशिक बदली हुने

काठमाडौँ– जल तथा मौसम पूर्वानुमान महाशाखाले देशमा कुनै मौसम प्रणाली सक्रिय नरहेको जनाएको छ। 

कोशी, गण्डकी र कर्णालीको उच्च-पहाडी तथा हिमाली भूभागमा आंशिक बदली रही बाँकी स्थानको मौसम मुख्यतया सफा रहेको छ।

तराई भूभागमा हल्का हुस्सु र कुहिरो लागेको छ। दिउँसो र राति भने देशभर आंशिक बदली रहनेछ। 

 महाशाखाका अनुसार आज बिहान काठमाडौँ उपत्यकाको न्यूनतम तापक्रम ६.६ डिग्री सेल्सियस रहेको थियो। अधिकतम तापक्रम १९ देखि २१ डिग्री सेल्सियसको बीचमा रहनेछ।