यूएईले नेपाललाई दियो २६४ रनको लक्ष्य

काठमाडौँ– पहिलो एकदिवशीय खेलमा यूएईले नेपाललाई २६४ रनको लक्ष्य दिएको छ।

कीर्तिपुरस्थित त्रिवि क्रिकेट मैदानमा टस हारेर पहिला ब्याटिङको निम्तो पाएको यूएईले निर्धारित ५० ओभरमा ७ विकेट गुमाएर २६३ रन बनाएको हो।

यूएईका लागि रोहन मुस्ताफाले सर्वाधिक ५३ रनको योगदान दिए। उनले ७३ बलमा ७ चौका प्रहार गरे। मोहमम्द वासिमले ४१ बलमा ६ चौका र १ छक्का प्रहार गरे। वृत्य अरविन्दले ८२ बलमा ६ चौका हाने। उनीहरूबीच दोस्रो विकेटका लागि ७५ रनको साझेदारी भएको थियो।

मध्यक्रमका ब्याटर एलिशान शराफुले २९ र आयान खानले २६ रन बनाए। अहमद राज २५ र जुनैद्द सिद्दीकी १ रनमा अविजित रहे।नेपालका तीव्र गतिका बलर गुलशन झाले ६ ओभर बलिङ गर्दै २६ रन खर्चिएर २ विकेट लिए।

सोमपाल कामी र दीपेन्द्रसिंह ऐरीले १/१ विकेट लिए।