भारतद्वारा नेपालसामु २०३ रनको लक्ष्य प्रस्तुत

काठमाडौँ– एशियाली खेलकुदअन्तर्गत क्रिकेटमा भारतले नेपाललाई जितका लागि २०३ रनको लक्ष्य प्रस्तुत गरेको छ। 

टस जितेर पहिले ब्याटिङ रोजेको भारतले निर्धारित २० ओभरमा ‍४ विकेट गुमाउँदै २०२ रन बनाएको हो। 

भारतका ओपनर यशश्वी जयशवालले शतक पूरा गरे। उनले ४९ बलमा ८ चौका र ७ छक्का प्रहार गरे। रिन्कु सिंह ३७ तथा शिवम् दुबे २५ रनमा अविजित रहे।

कप्तान ऋतुराज गायकवाड २३ बलमा ४ चौकासहित २५ रनमा आउट भए।

नेपालका दीपेन्द्रसिंह ऐरीले २ तथा सन्दीप लामिछाने र सोमपाल कामीले समान १–१ विकेट लिए।