एशियाली खेलकुद: चीन १६१ स्वर्णसहित शीर्ष स्थानमा

काठमाडौँ– चीनमा जारी १९औँ एसियाली खेलकुदअन्तर्गत ५८२ पदकको छिनोफानो भएको छ।

जसमा चीन १६१ स्वर्ण, ९० रजत र ४६ कास्यसहित २९७ पदक प्राप्त गर्दै शीर्ष स्थानमा रहेको छ।

जापान ३३ स्वर्ण, ४७ रजत र ५० कास्यका साथ दोस्रो स्थानमा छ। दक्षिण कोरिया ३२ स्वर्ण, ४२ रजत, ६५ कास्यसहित तालिकाको तेस्रो स्थानमा छ। 

यस्तै, १५ स्वर्ण, २६ रजत र २८ कास्य जितेको भारत चौथो स्थानमा छ। उज्बेकिस्तान १४ स्वर्ण, १५ रजत र २१ कास्यसहित पाँचौँ स्थानमा छ। 

सहभागी ४५ मुलुकमध्ये ३६ मुलुकले पदक प्राप्त गरेका छन्। नेपाल भने हालसम्म पदकविहीन छ।