बहराइनले दियो नेपाललाई ७८ रनको लक्ष्य, दीपेशको ६ विकेट

काठमाडौँ– एसीसी यू–१९ प्रिमियर कपमा बहराइनले नेपाललाई ७८ रनको झिनो लक्ष्य दिएको छ। 

स्पिनर दीपेश कँडेलले ६ विकेट लिएपछि बहराइन ३७.५ ओभरमा ७७ रनमा अलआउट भयो। उनले ९.५ ओभरमा मात्र ४ रन खर्चिए।

मलेसियाको बायोमास ओभलमा टस जितेर पहिला ब्याटिङ रोजेको बहराइनका मोहम्मद बासिल अब्दुल हाकिमले सर्वाधिक ३४ रन बनाए। उनले ७७ बलमा २ चौका र २ छक्का प्रहार गरे। बहराइनका अन्य कुनै पनि ब्याटरले दोहोरो अंकमा रन बनाउन सकेनन्।

नेपालका तीव्र गतिका बलर दुर्गेश गुप्ताले ८ ओभरमा १ मेडनसहित २२ रन खर्चेर ४ विकेट लिए।