टी२० आईमा गुलशनको पहिलो अर्धशतक

काठमाडौँ– गुलशनकुमार झाले टी२०आईमा पहिलो अर्धशतक पूरा गरेका छन्।

कीर्तिपुरस्थित त्रिवि क्रिकेट मैदानमा जारी आईसीसी टी२० विश्वकप एशिया छनोट फाइनलमा ओमानविरुद्ध उनले करिअरकै पहिलो अर्धशतक पूरा गरेका हुन्।

उनले २० बलमा ५ चौका र ४ छक्का प्रहार गर्दै ५० रन पूरा गरे। उनले १९ फ्रेबुअरी २०२२ मा फिलिपिन्सविरुद्ध डेब्यू गरेका थिए। गुलशनले १३औँ इनिङ्समा पहिलो अर्धशतक पूरा गरेका हुन्।

उनी २५ बलमा ५४ रन बनाएर आउट भएका छन्।