वेस्टइन्डिज ‘ए’ले नेपाललाई दियो २२८ रनको लक्ष्य

काठमाडौँ– जोनसन चार्ल्सको शतकमा वेस्टइन्डिजले तेस्रो टी२० खेलमा नेपाललाई २२८ रनको लक्ष्य दिएको छ। 

कीर्तिपुरस्थित त्रिवि क्रिकेट मैदानमा टस जितेर पहिला ब्याटिङ रोजेको वेस्टइन्डिजले २० ओभरमा ३ विकेट गुमाउँदै २२७ रन बनायो।

वेस्टइन्डिजका ओपनर जोनसन चार्ल्स ११९ रनमा नटआउट रहे। उनले ६१ बलमा १३ चौका र ७ छक्का प्रहार गरेका थिए। आन्द्रे फ्लेचर ३३ बलमा ४ चौका र ३ छक्कासहित ५३ रनमा आउट भए। 

नेपालका सागर ढकाल र करण केसीले समान १–१ विकेट लिए।