डडेलधुरामा ट्याक्टर दुर्घटना हुँदा २ जनाको मृत्यु, २ घाइते

डडेलधुरा– नवदुर्गा गाउँपालिका–४ सिरोडमा ट्याक्टर दुर्घटना हुँदा दुई जनाको मृत्यु भएको छ

शनिबार राति सिरोडको भित्री सडकमा भएको दुर्घटनामा अन्य दुई जना घाइते भएको जिल्ला प्रहरी कार्यालयले जनाएको छ।

मृत्यु हुनेमा धादिङको गजुरी गाउँपालिका–७ का ४० वर्षीय चालक धिरज थापामगर र रोडाङ गाउँपालिकाका २७ वर्षीय विष्णु विक छन्। प्रहरी निरीक्षक कुसुम नायकका अनुसार उनीहरूको उपचारका क्रममा डडेलधुरा अस्पतालमा मृत्यु भएको हो । 

धादिङको रोडाङ गाउँपालिकाका ३१ वर्षीय सुदीप विक र नवदुर्गा–४ का २८ वर्षीय हिक्मत विक घाइते भएका छन्। उनीहरूको पनि सोही अस्पतालमा उपचार भइरहेको छ।