देशका विभिन्न स्थानमा मेघगर्जनसहित वर्षाको सम्भावना

काठमाडौँ– नेपालमा स्थानीय वायुसँगै पूर्वी भूभागमा ‘रेमल’ चक्रवातको सामान्य प्रभाव रहेको छ।

जसका कारण कोशी, मधेश, बागमती, गण्डकी र कर्णालीमा आंशिकदेखि साधारणतया बदली रहेको छ। बागमती र गण्डकीका थोरै स्थानमा हल्कादेखि मध्यम वर्षा भइरहेको छ।

दिउँसो कोशी प्रदेशमा साधारणदेखि पूर्ण बदली तथा मधेश, बागमती र गण्डकीमा आंशिकदेखि साधारणतया बदली रहनेछ। 

कोशी, मधेशलगायत देशका विभिन्न स्थानमा मेघगर्जन/चट्याङ र हावाहुरीसहित हल्कादेखि मध्यम वर्षा हुनेछ। कोशीको उच्च पहाडी तथा हिमाली भूभागमा हल्का हिमपातसमेत हुने महाशाखाले जनाएको छ।

यसैगरी, राति पनि कोशी, मधेश, बागमती र गण्डकीमा साधारणदेखि पूर्ण बदली रहनेछ। कोशीका केही स्थानमा मेघगर्जन र हावाहुरीसहित हल्कादेखि मध्यम वर्षा हुनेछ।

कोशीका उच्च पहाडी तथा हिमाली भूभागमा हल्का हिमपातको सम्भावना छ।