सुर्खेत जिप दुर्घटना: मृतक ४ जनाकै सनाखत

काठमाडौँ– सुर्खेतबाट कालिकोट जाँदै गरेको बोलेरो जिप सुर्खेतको रातानाङ्ला नजिकै दुर्घटना हुँदा मृत्यु भएका चारै जनाको सनाखत भएको छ। 

वीरेन्द्रनगर-१४ टाकुरी मोडमा बिहीबार बिहान भएको दुर्घटनामा चार जनाको मृत्यु तथा दुई जना घाइते भएका छन्।

जिल्ला प्रहरी कार्यालय सुर्खेतका डीएसपी वीरेन्द्रविर विश्वकर्माका अनुसार मृत्यु हुनेमा कालिकोट शुभकालिका-३ का तन्त बिक, नमराज बिक र वीरेन्द्र बिक तथा भैरवी-४ का महेन्द्र शाही रहेका छन्। 

घाइते शुभकालिका-३ का नरि विक र चालक खाडाचक्र नपा-९ का नरेन्द्र विष्टको प्रदेश अस्पताल सुर्खेतमा उपचार भइरहेको छ। 

६ जना सवार जिप सडकबाट अन्दाजी २०० मिटर तल खसेको ट्राफिक प्रहरी कार्यालय सुर्खेतले जनाएको छ।