यस्तो रहनेछ शनिबारको मौसम

काठमाडौँ– नेपालमा स्थानीय वायु र पश्चिमी वायुको प्रभाव रहेको छ। जसको प्रभावले कोशी प्रदेशसहित देशका पहाडी भूभागमा आंशिक बदली रहेको मौसम पूर्वानुमान महाशाखाले जनाएको छ। 

दिउँसो पहाडी भूभागमा आंशिकदेखि साधारणतया बदली रहनेछ। कोशी, बागमती र गण्डकीका थोरै स्थानमा मेघगर्जन र चट्याङसहित हल्कादेखि मध्यम वर्षा हुनेछ। लुम्बिनी, कर्णाली र सुदूरपश्चिमका थोरै स्थानमा हावाहुरीको पनि सम्भावना छ।

राति पनि देशका पहाडी भूभागमा आंशिकदेखि साधारणतया बदली रहनेछ। कोशीका थोरै स्थानमा मेघगर्जन र चट्याङसहित हल्कादेखि मध्यम वर्षा हुने महाशाखाले जनाएको छ।