वर्षा नरोकिएपछि नेपाल र श्रीलंकाबीचको खेल रद्द

काठमाडौँ– आईसीसी टी२० विश्वकप क्रिकेटअन्तर्गत नेपाल र श्रीलंकाबीचको खेल रद्द भएको छ।

अमेरिकाको फ्लोरिडास्थित ब्रोआर्ड काउन्टी स्टेडियममा भारी वर्षा नरोकिएपछि टस हुन नसकी खेल रद्द भएको हो। 

यससँगै दुवै टोलीले १–१ अंक बाँडेका छन्। नेपालको दुई खेलबाट १ अंक भएको छ। नेपाल समूह चरणको पहिलो खेलमा नेदरल्यान्ड्ससँग ६ विकेटले पराजित भएको थियो। 

श्रीलंका पहिलो खेलमा दक्षिण अफ्रिकासँग ६ विकेट र दोस्रो खेलमा बांग्लादेशसँग २ विकेटले पराजित भएको थियो। नेपालले अब बाँकी दुई खेल वेस्टइन्डिजमा खेल्नेछ। वेस्टइन्डिजको सेन्ट भिन्सेन्टमा जेठ ३२ गते दक्षिण अफ्रिका र असार २ गते बांग्लादेशसँग खेल्नेछ।