यस्तो रहनेछ आइतबारको मौसम

काठमाडौँ– देशको पूर्वी भागबाट नेपाल प्रवेश गरेको मनसुन बिस्तारै पश्चिमतर्फ फैलिने क्रममा छ। कोशी, मधेश, बागमती र गण्डकीका अधिकांश र लुम्बिनीका पूर्वी भूभागमा मनसुनी प्रणालीको प्रभाव रहेको छ। बाँकी भूभागमा स्थानीय र पश्चिमी वायुको आंशिक प्रभाव रहेको मौसम पूर्वानुमान महाशाखाले जनाएको छ।

जसका कारण कोशी, बागमती, गण्डकी र लुम्बिनीमा साधारणतया बदली रही बाँकी भूभागमा आंशिक बदलीदेखि मौसम सामान्यतया सफा रहेको छ। कोशी, बागमती, लुम्बिनी र गण्डकीका थोरै स्थानमा हल्कादेखि मध्यम वर्षा भइरहेको छ।

दिउँसो देशभर आंशिकदेखि साधारणतया बदली रहने छ। कोशी, बागमती, गण्डकी र लुम्बिनीमा मेघ गर्जन र चट्याङसहित हल्कादेखि मध्यम वर्षा हुनेछ। कोशी, बागमती, गण्डकी र लुम्बिनीका एक-दुई स्थानमा भारी वर्षाको पनि सम्भावना रहेको महाशाखाले जनाएको छ।

राति देशभर नै मेघगर्जन र चट्याङसहित वर्षा हुनेछ। साथै कोशी, गण्डकी र लुम्बिनीका  केही स्थानमा भारी वर्षासमेत हुने सम्भावना छ।