कोपा अमेरिका: पाराग्वेमाथि ब्राजिलको जित

काठमाडौँ– कोपा अमेरिका फुटबलमा ब्राजिलले पाराग्वेलाई पराजित गरेको छ। शनिबार बिहान भएको खेलमा ब्राजिल ४–१ ले विजयी भएको हो। 

ब्राजिलको जितमा भिनिसियस जुनियरले २ तथा लुकास पाक्वेटा र साभियोले १–१ गोल गरे। पाराग्वेका ओमार अल्डेर्टेले ले १ गोल फर्काए।

जारी सिजनमा ब्राजिलको यो पहिलो जित हो। यसअघि पहिलो खेलमा कोस्टारिकासँग बराबरीमा रोकिएको थियो। जितसँगै समूह ‘डी’मा ब्राजिलको २ खेलबाट ४ अंक भएको छ। 

दुवै खेलमा पराजय बेहोरेको पाराग्वेले अंक जोड्न सकेको छैन। कोलम्बिया ६ अंकसिहत समूहको शीर्षस्थानमा छ।